Basketbollisti amerikan i Trepçës, Michael Myers, është përzgjedhur MVP i serisë finale të playoffit të Superligës, duke qenë njeriu më meritor me performanca individuale në titullin e gjashtë të kampionit të ekipit mitrovicas.
Myers erdhi te Trepça në janar të këtij viti ndërsa ndikimi i tij në lojën e ekipit ishte i madh. Së fundi, ai në serinë finale ka bërë edhe dallimin në luftë me lojtarët nën kosh të Bashkimit.
Myers 32-vjeçar me 206 centimetrat e tij sipas ndeshjeve në finale ka pasur këto statistika:
NDESHJA I FINALE:
Bashkimi-Trepça 84-77; Myers: 28 min., 10 pikë, 13 kërcime, 21 index;
NDESHJA II FINALE:
Trepça-Bashkimi 79-72; Myers: 31 min., 22 pikë, 9 kërcime, 28 index;
NDESHJA III FINALE:
Bashkimi-Trepça 71-88; Myers: 20 min., 13 pikë, 8 kërcime, 16 index;
NDESHJA IV FINALE:
Trepça-Bashkimi 80-74; Myers 32 min., 21 pikë, 6 kërcime, 26 index;
NDESHJA V FINALE:
Bashkimi-Trepça 85-77; Myers 18 min., 8 pikë, 4 kërcime, -1 index;
NDESHJA VI FINALE:
Trepça-Bashkimi 87-67; Myers 18 min., 11 pikë, 4 kërcime, 5 index.
Përgjithësisht, Myers ka luajtur 23 ndeshje për xehetarët këtë stinor me mesatare prej 11.9 pikëve për lojë, 7.9 kërcime, 1.5 asistime, 0.1 bllokada dhe 0.8 topa të rrëmbyer për ndeshje, ndërsa mesatarisht, indeksi efiçencës së tij ka qenë 15.6 për ndeshje.
