Meta në Facebook ka përshëndetur përkushtimin e Kancelarit të Gjermanisë, duke thënë se me këtë rast rifillon një dinamikë e re në procesin e Berlinit.
“E përshëndes përkushtimin e Kancelarit të Gjermanisë, Olaf Scholz, të shprehur sot edhe ndaj Kryeministrit të Kosovës, Albin Kurti, për të rifilluar Procesin e Berlinit me një dinamikë të re”, ka shkruar Meta.
Sipas tij mbështetja e kësaj nisme gjithëpërfshirëse është në interes të Shqipërisë, Kosovës dhe rajonit.
“Mbështetja e kësaj nisme gjithëpërfshirëse është në interesin më të mirë të Shqipërisë, të Kosovës dhe të rajonit për më shumë rezultate konkrete, më shumë mbështetje financiare dhe më shumë vlera evropiane”, ka shkruar Meta./teve1.info/
