Me këtë rast presidenti në largim i Shqipërisë, Ilir Meta tha se Lidhja Shqiptare e Prizrenit mbetet vepër e gjallë e përpjekjeve të shqiptarëve për mbrojtjen e identitetit kombëtar.
Ai në Facebook tha se kjo ngjarje evokon ndjenjat më të larta të atdhedashurisë, e cila na kujton rëndësinë e bashkimit rreth vlerave kombëtare të shqiptarëve.
“Vizioni, aspiratat legjitime, fryma patriotike dhe ndjenjat më të larta të atdhedashurisë që evokon kjo ngjarje e rëndësishme dhe e paharruar historike na kujtojnë gjithmonë rëndësinë e bashkimit rreth vlerave kombëtare, fuqizimit dhe lartësimit të arritjeve të deritanishme të Shqipërisë, Kosovës dhe mbarë shqiptarëve në rajon, për të mbrojtur të ardhmen tonë europiane nga çdo ide që synon përçarjen mes nesh, prapambetjen dhe shpopullimin e trojeve shqiptare”, ka shkruar ai ./teve1.info./
