Presidenti i Shqipërisë, Ilir Meta ka përkujtuar Dëshmorët e Kombit Shqiptar.
Ai ka thënë se sot është një ditë reflektimi dhe angazhimi, për të pasur gjithmonë të shenjta, sovranitetin, lirinë dhe pavarësinë e Atdheut për një të ardhme më të mirë për të gjithë shqiptarët.
“Në këtë ditë të shënuar përkujtimi dhe nderimi ndaj Dëshmorëve të Atdheut, u përula me mirënjohje dhe respektin më të thellë para heroizmit dhe sakrificave më sublimeve të mijëra bijve dhe bijave më të mirë të Shqipërisë, që dhanë jetën për liri”, ka shkruar Meta.
Edhe kryeministri i Shqipërisë, Edi Rama ka përkujtuar Dëshmorët e Kombit, duke thënë se ata janë të paharrueshëm.
“Përulësisht me #RESPEKT për ata që e deshën atdheun me jetë. Të paharrueshmit, Dëshmorët tanë”, shkroi Rama në Facebook./teve1.info
