Mësohet shorti i sezonit të ri në Premier Ligë

Mësohet shorti i sezonit të ri në Premier Ligë

Është mësuar shorti i ri i Premier Ligës angleze për sezonin e ardhshëm, që fillon më datën 5 gusht, transmeton Tëvë1.

Java e parë do të sjellë ndeshje mjaft interesante. Takimi hapës do të jetë në Londër, aty ku Arsenali udhëton për t’u takuar me Crystal Palace, ndërsa Bournemouth i rikthyer në elitë e pret Aston Villan.

Leicester është nikoqir i Brentford, kurse Southampton ka punë me Tottenham që po tregohet mjaft aktiv në afatin e transferimeve.

Manchester United pret në OId Trafford skuadrën e Brighton, e Fulham të promovuar në Premier Ligë fillojnë kampanjën në shtëpi kundër Liverpool.

Ujçërit e Wolves udhëtojnë në Elland Road, aty ku i pret Leeds.

Neëcastle tashmë shumë të mobilizuar, e mirëpresin në shtëpi skuadrën e rikthyer pas 15 viteve në Elitë, Nottingham Forest.

Frank Lampard dhe Everton kërkojnë t’ia shkaktojnë humbjen e parë në ndeshjen e parë, skuadrës e cila e kishte shkarkuar anglezin, mirëpo është legjendë e saj, Chelseat.

Dhe ndeshja e fundit, Manchester City fillon mbrojtjen e titullit në London Stadium përballë ekipit të West Ham.