Detyrat i morën nga mësuesi i tyre.
Këta nxënës të shkollës “Ali Kelemendi” në fshatin Barilevë të Prishtinës janë pjesë e klubit të leximit.
Kjo është rutina e tyre që nga 1 shtatori, kur në këtë shkollë nisi mësimi tërë ditor.
Kësisoj mbi 300 nxënës të kësaj shkolle nga klasa e parë deri në të nëntë qëndrojnë këtu nga ora 8:20 e deri në ora 15:20.
Mësuesi Kujtim Kolesha tregon se si po shkon ky proces, që nisën ta zbatojnë për herë të parë.
“Kemi filluar të përgatitemi nga muaj qershor, kemi sifda kemi problemi por me keto sfida kemi filluar të merremi nga 1 shtatori. Rreth ushqimit rreth zgjatjes se orari mësimor këtë javë kemi filluar të adaptohemi sa më shumë, pra kemi filluar te ia shtojmë nga një orë me aktivitet që të mos si mësim tërë ditor shumë të vështirë”, thotë Kolesha.
E përveç këndit të leximit, nxënësit gjatë procesit mësimor mbajnë edhe aktivitete të tjera.
Poashtu edhe në këtë shkollë sikurse në shkolla tjera ku mbahet mësimi tërë ditor, ofrohet ushqim për nxënësit.
Drejtoresha Bedri Shala Pireva thotë se gjithç është duke shkuar sipas planit.
“Mungesa me pajisje kemi por edhe ato janë rrugës veç sa nuk jemi furnizu. Kjo falë bashkëpunimit të DKA me shkollat,gjatë gjithë verës kemi qenë edhe në trajnime edhe në diskutime krejt çfarë kemi bërë i kemi bërë në bashkëpunim me Drejtorin e Arsimit. Po shpresojmë që edhe mjetet do të vijnë për zhvillimin e aktiviteteve jashtë korrikulare, thotë ajo.
Mësimin tërë ditor e kanë mirëpritur edhe nxënësit.
“Kemi shumë aktivitet të mira dhe e kemi mirëprit ketë qëndrim tërë ditor dhe menxi nuk kemi prit që shikojmë shkollën që është rregullu shumë ma bukur se qysh ka qenë”, thotë nxënësja Buna Berisha.
“Kemi kohë më shumë të mësojmë në klasë pasi do të rrijmë më shumë në shkollë”, thotë nxënësja, Leka Shasivari
Sipas drejtoreshës së shkollës, shkolla “Ali Kelmendi” është ndër të parat në rajon ku mësimi tërë ditor mbahet për nxënësit e klasës së parë deri në të nëntën.
Në këtë vit shkollor, Komuna e Prishtinës ka shtuar edhe shtatë shkolla tjera në të cilat mbahet mësimi tërë ditor.
