Kryetari i SBASHK-ut Rrahman Jashari ka deklaruar për mediat se greva e sotme është paralajmëruese, teksa ka shtuar që më 20 maj do të ketë një protestë të të gjithë punëtorëve të sektorit publik.
Nën organizimin e SBASHK-ut, çerdhet do të jenë në grevë nga ora 06:30-7:30, ndërsa në shkollat fillore varësisht nga ndërrimet, ora e parë do të jetë grevë. Kurse universitetet nga ora 10:00-11:00.
Jashari ka bërë të ditur se orët që humbin në grevë nuk do të zëvendësohen.
Ndër kërkesat e tyre, mësimdhënësit por edhe punëtorët e sektorit publik, kërkojnë 100 euro shtesë në paga deri në miratimin e Ligjit të pagave. /Teve1.info/
