Administratorja e Agjencisë Amerikane për Zhvillim Ndërkombëtar, Samantha Power, gjatë vizitës që po zhvillon në Kosovë, ka deklaruar se dialogu Kosovë – Serbi duhet të përfundojë me njohjen e ndërsjellë.
Për çështjen e asociacioni ajo tha se ndonëse palët nuk kanë qëndrime të afërta për asociacionin në këtë temë po bëhet progres.
Por, të enjten nga Prishtina, i dërguari i posaçëm i BE-së për dialogun Miroslav Lajçak, tha se është detyrë e ndërmjetësuesve që të gjejnë mesin mes palëve për asociacionin.
Arbër Fetahu nga Grupi për Studime Juridike dhe Politike thotë se Kosova i ka bërë kompromiset e mundshme dhe se duhet të insistojë në një asociacion brenda Kushtetutës.
Për të njëjtën çështje, Astrit Istrefi nga Forumi Ballkanik thotë se mesi artë mund të tejkalojë vijat e kuqe të të dyja palëve.
Meqenëse i është kërkuar të zgjedh një nga modelet e Bashkimit Evropian për asociacionin, Qeveria e Kosovës, është deklaruar se dëshiron të shtyjë tutje këtë çështje mbi bazën e modelit që ka përdorur Kroacia.
Kronika e gazetarit Valmir Gallopeni.
