Kapiteni i Borussia Dortmundit, Emre Can është ftuar nga Gjermania për Kampionatin Evropian që nis të premten.
Mesfushori Can është ftuar nga trajneri Julian Nagelsmann në vend të mesfushorit të Bayernit, Aleksandar Pavloviq.
Pavloviq është pjesë e Gjermanisë për “Euro 2024” por është detyruar të largohet nga kampi për shkak të infeksionit, duke bërë që Can të ftohet si zëvendësim i tij.
Këtë ndryshim në ekip dy ditë para “Euro 2024” e ka konfirmuar edhe Federata e Futbollit të Gjermanisë.
Kombëtarja e Gjermanisë bën pjesë në Grupin A dhe luan në ndeshjen hapëse të Evropianit kundër Skocisë, e cila zhvillohet të premten prej orës 21:00.
