Duke folur në gjuhën spanjolle dhe me numrin 12 në shpinë, Trent Aleksandër Arnold është prezantuar edhe zyrtarisht të enjten te Real Madridi.
Mbrojtësi anglez ka marrë fanellën e një legjende te “Los Blancos” atë të Marselos me numër 12.
Kjo edhe pse nuk kishte shumë zgjedhje pasi të vetmit numra në dispozicion ishin 18 dhe 25, ndërsa të tjerët ishin të gjithë të zënë në prag të Kupës së Botës për Klube.
LaLiga, ndryshe nga Premier League, nuk u lejon lojtarëve të ekipit të parë të mbajnë numra më të lartë se 25; numrat nga 26 deri në 50 në fakt janë të rezervuar për lojtarët e ekipit të dytë. Megjithatë, nuk përjashtohet që të ketë disa ndryshime pas garës që do të fillojë pas pak orësh.
Fotoja zyrtare me presidentin Florentino Perez është publikuar në profilin e klubit dhe është zbuluar edhe misteri i emrit që do të shfaqet në fanellë: Trent, pasi Reali nuk lejon personalizimin e fanellave me mbiemra më të gjatë se 11 karaktere.
Në “Alexandër-Arnold” ka 15 duke përjashtuar vizën ndarëse, kështu që është zgjedhur një shkurtim dhe një kalim në “Trent” të thjeshtë.
