Gjatë orës mësimore hyri me laptopa në duar.
Në shkollën “Vëllezrit Frashëri” në Drenoc të Rahovecit, Agron Berisha u prezantua tek nxënësit.
Mision i mërgimtarit nga Suedia ishte furnizimi i kësaj shkolle me laptopë, projektorë e printerë.
Dorëzim të laptopve u bënë edhe tek Shkolla “Milaim Krasniqi” në Pastasel, e në shkollën “Dëshmorët e Lirisë” në Pataqan të Poshtëm.
Të gjitha këto donacione, sipas drejtuesve të shkollave, ua lehtësojnë punën mësuesve e nxënësve.
Për kontributin e tij, të kënaqur u shprehën zyrtarët nga Komuna e Rahovecit.
“Jemi shumë të kënaqur…me pajisje tona përcjellëse. Edhe këtë vit Agron Berisha ka sjell 50 laptopë…dhe pajisje tjera përcjellëse”, tha drejtori i Arsimit në Komunën e Rahovecit, Avni Morina.
Agron Berisha gjatë së premtes vazhdoi me donacione edhe në shkolla tjera të komunës së Rahovecit, ndërsa dhuroi edhe tablet për fëmijët të regjistruar si raste sociale.
