Ditët e fundit të pushimeve verore, disa mërgimtarë i rezervuan për ta parë nga afër Kuvendin e Kosovës. Por, zhgënjimi tek ta erdhi kur brenda tij hasën në deputetë të pozitës dhe opozitës teksa përlesheshin fizikisht e verbalist me njëri-tjetrin.
Për një kohë, u la të prisnin para Kuvendit të Kosovës.
Janë këta mërgimtarët të cilët edhe të mërkurën erdhën ta shohin nga afër organin legjislativ.
E më të hyrë brenda sallës plenare, hasën në deputetë të pozitës dhe opozitës.
Këta të fundit, tashmë kishin filluar përplasjet verbale e fizike mes tyre.
E nuk vonoi shumë, pjesë e saj u bën edhe vet mërgimtarët.
Disa prej tyre, fajin ua lanë deputetëve opozitarë.
Kritikave të tyre, nuk u shpëtoi as deputeti i PDK-së, Mërgim Lushtaku.
E shumë shpejtë, edhe vizitorët u rreshtuan krah partive që i përkrahin.
Madje njëri prej tyre, kërkoi llogari drejtpërdrejtë nga kryeministri në detyrë.
Gjithë kjo situatë me Kuvend, nuk u la shije të mirë atyre që në vendlindje po shijojnë ditët e fundit të pushimeve verore.
Deputetëve që përplaseshin me njeri-tjetrin, këshilla iu dha një tjetër mërgimtar.
E dikush tjetër e propozoi një zgjidhje për t’i dhënë fund përfundimisht nyjës që e coi vendin në zgjedhje dy herë brenda një viti e gjysmë.
Gjithë përplasjet fizike e verbale mes të zgjedhurve të popullit, nga afër i panë edhe fëmijët.
Me këto skena përfundoi edhe dita e fundit e aktivitetit tradicional “Bashkatdhetarët në Kuvend” i organizuar nga Kuvendi i Kosovës.
