Mentor Hyseni është emëruar drejtor i Administratës Tatimore të Kosovës.
Lajmin e ka bërë të ditur Ministria e Financave, Punës dhe Transfereve e cila ka theksuar se Hyseni është emëruar në këtë pozitë pas përmbylljes së procedurës së rekrutimit dhe në përputhje me kërkesat dhe kriteret ligjore.
“Procesi është zhvilluar në mënyrë transparente dhe profesionale, duke u siguruar që kandidati i përzgjedhur të plotësojë të gjitha kushtet e nevojshme për këtë pozitë me rëndësi të lartë.MFPT ka besim të plotë që Z. Hyseni se do të vazhdojë dhe avancojë punën e mirë që është bërë deri më tani, në shërbim të një administrate moderne, transparente dhe të drejtë”, thuhet nga ministria.
