Kandidati i Lëvizjes Vetëvendosje për kryetar të Komunës së Vushtrrisë, Sylejman Meholli, ka thënë se në bisedimet për koalicion me LDK-në, ka qenë i përfshirë edhe kryeministri në detyrë, Albin Kurti, njëherit kryetar i LVV-së.
Meholli në emisionin “InfoNata” në Tëvë1, ka thënë se janë zhvilluar disa takime para finalizimit të marrëveshjes me kandidatin e LDK-së për kryetar të Vushtrrisë, Xhafer Tahiri.
“Kanë ndodhur disa takime ditët e fundit, ku kemi qenë bashkë me Kryeministrin Kurti dhe me z. Tahiri, dhe marrëveshja është finalizuar”, ka thënë ai.
Lidhja Demokratike e Kosovës ka kundërshtuar këtë koalicion, duke thënë se ky është veprim individual i Tahirit.
Në raundin e dytë në Vushtrri në garë janë PDK dhe LVV.
