Sylejman Meholli, kandidat i Lëvizjes Vetëvendosje për kryetar të Vushtrrisë ka thënë se për 26 vjet në këtë komunë nga qeverisja e PDK dhe LDK-së nuk janë realizuar investimet as në gjërat bazike.
Ai ka thënë se qytetarët e kësaj komune janë lodhur me këtë situatë dhe se ndryshimi do të mbahet më 12 tetor me Lëvizjen Vetëvendosje.
“Nga ajo çfarë po shohim nga takimet me qytetarët, të gjithë janë të lodhur me situatën aktuale, pasi për këto 26 vite janë provuar PDK e LDK dhe nuk janë realizua gjërat bazike. Qytetari i Vushtrrisë sot është mes dy zgjidhjeve, të vazhdoj me këtë që kanë provuar për 26 vite ose të zgjedh opsionin e vetëm të ndryshimit që jemi ne Lëvizja Vetëvendosjes dhe padyshim qe ne do ta bëjmë ndryshimin”, ka thënë ai në emisionin “Ditari” në Tëvë1.
Meholli ka thënë plani i tij qeverisës u jep zgjidhje problemeve të qytetarëve, ku ka premtuar se gjatë mandatit të tij do të merr fund mungesa me furnizim me ujë të pijshëm, rregullimin e parkut të qytetit me një sipërfaqe prej 2 hektarë dhe përfundimin e stacionit të autobusëve.
“Sigurojmë qytetarët se brenda mandatit tonë e bëjmë Vushtrrinë me stacion të autobuësve me park të qytetit me sipërfaqe prej 2 hektarësh dhe sigurimin e ujit të pijes për gjithë qytetarët”, ka thënë Meholli.
Ai ka akuzuar kryetarin aktual të kësaj komune Ferid Idrizin se nuk ka bërë kërkesë për ndërtimin e çerdheve me arsyetimin se nuk ka pas parcela.
Por, sipas Mehohllit arsyeja është e pabazë.
