Kandidati për deputet nga LVV, Burim Mehmeti ka deklaruar se opozita është e zhgënjyer nga rezultatet e saj në zgjedhjet e 9 shkurtit të këtij viti.
Ai kritikoi opozitën për bllokimin e formimit të Qeverisë Kurti.
Në zgjedhjet parlamentare të 28 dhjetorit, Mehmeti thotë bindshëm se Vetëvendosja do të ketë rezultatin më të lartë se në zgjedhjet e 9 shkurtit.
Sa i përket listës së deputetëve të VV-së, Mehmeti theksoi se në mesin e tyre janë afro 15 veteran të UÇK-së.
“Opozita është e zhgënjyer, mendoj që opozita e ka bllokuar formimin e Qeverisë, deshën ta bllokojnë qeverinë Kurti, rezultati i VV-së mendoj që do të jetë shumë më lartë se që ishte në këtë vit në shkurt, po e shohim çdo ditë gjatë takimeve me qytetarë e biznese, në listën për kandidatët për deputetë janë afër 60 e diçka njerëz me shkollim superior, janë afro 15 veteranë të UÇK-së, nuk ka listë ma gjithëpërfshirëse dhe përmbushësh se lista e VV-së, kryeministri Kurti na e ka dhënë gjithsecilit mbështetjen e nevojshme”, ka deklaruar Mehmeti në emisionin “Mesditë” në Tëvë1./teve1.info/
