Publicisti, Kim Mehmeti e ka quajtur naivitet politik insistimin e Lidhjes Demokratike të Kosovës për postin e presidentit.
Ai ka thënë se partia fuqizohet duke qenë pjesë e ekzekutivit.
Mehmeti ka thënë se po të ishte në vend të partive opozitare, do t’ia jepte postin e presidentit Lëvizjes Vetëvendosje.
“LDK me naivitetet politik, sepse insiston në postin e Presidentit, në vend që të insistojnë të jenë në Qeveri. Me president e bënë një njeri, ja zgjidh problemin znj që ishte i presidente, nëse dëshiron që ta fuqizosh partinë duhet të jesh pjesë e qeverisë, kjo është absurdi i kryetarit të LDK-së, që nuk ka lidhje se si drejtohet partia. Sikur të isha drejtues i partisë, do t’ia jepja LVV-së, presidentin, por do të kërkoja pjesëmarrje në qeveri, ashtu fuqizohet, si do ta realizosh një koncept qe ke për Kosovën, me presidentin çfarë do të realizosh, kurrgjë”, ka thënë ai në emisionin “Këndi i Kimit” në Tëvë1.
Ai ka thënë se shkuarja në zgjedhje të reja nuk do të sillte ndonjë ndryshim.
Sipas tij, LVV do të ishte e para përsëri, PDK e dyta e LDK e treta dhe Aleanca që do të luftonte për kalimin e pragut.
Sipas tij, në Kosovë e vetmja parti e konsoliduar aktualisht është Vetëvendosje.
Lidhja Demokratike e Kosovës në zgjedhjet e 7 qershorit ka pasur kandidate për presidente Vjosa Osmanin.
Një pjesë e lidershipit të kësaj partie janë shprehur të gatshëm për bashkëpunim me LVV nëse ka marrëveshje për presidentin.
Por, pas rezultatit të 7 qershorit, zëra në LDK që kërkojnë dorëheqjen e Abdixhikut. Të martën degët e Pejës dhe Lipjanit që kanë qenë nga bastionet e kësaj partie kanë kërkuar dorëheqjen e kryetarit të partisë.
