Publicisti, Kim Mehmeti ka thënë se Lëvizja Vetëvendosje duhet të ndryshojë qasje dhe sipas tij,të largohet nga ai vet-teprimi që ka mbështetjen e qytetarëve.
Ai ka thënë se nëse kjo parti vazhdon rrugën e kokëfortësisë, zgjedhjet e 7 qershorit do të jenë fillimi i rënies së kësaj partie.
“Nëse Vetëvendosje vazhdon kësaj rruge, kësaj kokëfortësie, qe ne dhe Kosova jemi një, gjithë të tjerët janë tepricë, ky është fillimi i rënies së Vetëvendosjes, kjo nuk është asgjë, është rënie e lehtë. Nëse di të ndalesh edhe mund të kthehesh aty ku ke qenë”, ka thënë Mehmeti në emisionin “Këndi i Kimit” në Tëvë1.
Ai ka thënë se ende e vlerëson Kurtin si kryeministrin më të mençur dhe më patriot në trevat shqiptare, por sipas tij kjo nuk mjafton për të qenë burrështetas.
Mehemti ka thënë se Kurti duhet të jenë më bashkëpunues, dhe se nuk duhet të mbajë apo bëjë gjëra për inate.
Ai ka thënë se për Kosovën do të ishte i mirë një koalicion qeverisë LVV-PDK, ndonëse këtë të fundit e quan “shoqëri aksionare”.
Lëvizja Vetëvendosje ka marrë mbi 100 mijë vota më pak në zgjedhjet e 7 qershorit krahasuar me ato të 28 dhjetorit të vitit 2025.
Sipas rezultateve preliminare nga KQZ, Vetëvendosje ka dal partia e parë me 299, 453 vota apo 42,96%.
