Përmes një postimi në Facebook, Mehaj ka thënë se vrasjet e kryera në Lybeniq janë dëshmi e qartë që shteti serb ka kryer gjenocid kundër shqiptarëve.
“U bënë njëzetë e tri vjet nga 1 prilli i vitit 1999, ku forca të shumta ushtarake, policore e paraushtarake serbe kryen njërën ndër masakrat më të mëdha në Kosovë, atë ndaj civilëve të pafajshëm të Lybeniqit. Vrasjet e kryera në Lybeniq në prill të vitit 1999, janë dëshmi e qartë se shteti serb ka kryer gjenocid kundër shqiptarëve. Kjo dëshmohet me faktin se aty janë vrarë fëmijë tetëmbëdhjetë muajsh, gra shtatzëna, të sëmurë, burra e gra mbi moshën tetëdhjetë vjeçare, për fatin e të cilëve nuk dihet ende”, ka shkruar ai.
Mehaj thotë se asnjëherë nuk do të ndalen në kërkim të drejtësisë.
“Ne nuk harrojmë dhe do të ndalemi kurrë në kërkim të drejtësisë dhe dënimin e kriminelëve serb”, tha më tej ai. /teve1.info/
