Me rastin e këtij takimi, Ministri Mehaj e ka njoftuar Viehe me zhvillimet aktuale në Ministrinë e Mbrojtjes dhe FSK si dhe planet për të ardhmen si dhe për bashkëpunimin e ngushtë me Ekipin Këshillues dhe Ndërlidhës të NATO-s (NALT), shkruan teve1.info.
Ai po ashtu gjatë takimit ka shprehur mirënjohjen tij të lartë për mbështetjen e deritashme për të gjitha proceset zhvillimore në Ministri dhe FSK.
Sipas njoftimit të ministrisë, Mehaj dhe Viehe diskutuan edhe për zhvillimet gjeopolitike pas agresionit ushtarak të Rusisë në Ukrainë.
Ministri Mehaj, përveç bashkëpunimit të shkëlqyeshëm ka potencuar edhe rolin shumë të rëndësishëm të NATO-s me operacionin KFOR në funksion të paqes, sigurisë dhe stabilitetit rajonal dhe më gjerë.
