Pas reshjeve të shiut sot në komunën e Prishtinës dhe Rahovecit, ministri i Mbrojtjes, Armend Mehaj ka telefonuar kryetarët Përparim Rama dhe Smajl Latifi.
Sipas Mehajt, gjendja është e qetë dhe siç e kanë njoftuar kryetarët, nuk ka nevojë për ndërhyrje të Ministrisë, përcjell teve1.info
Mehaj thotë se pasi vërshimet janë bërë të shpeshta, janë gjithmonë në gatishmëri.
“Vërshimet në këto kohë janë bërë të shpeshta dhe gatishmëria jonë është gjithnjë në nivel. Shpresojmë të mos ketë dëme në këto komuna!”, ka shkruar ai në Facebook.
Si pasojë e reshjeve, disa vetura në lagjen “Bregu i Diellit” në Prishtinë janë dëmtuar, pasi kulmi i një ndërtese ka rënë mbi to.
Teksa edhe në komunën e Rahovecit, nga sasia e madhe e reshjeve janë bllokuar rrugët dhe është vështirësuar qarkullimi i automjeteve. /Teve1.info/
