Përmes një postimi në Facebook, Mehaj ka thënë se në kuadër të përgatitjeve për ushtrimet e radhës, Regjimenti i parë i Këmbësorisë është në fazën Intenzive të trajnimit dhe përgatitjes së njësive të saj.
“Trupat e R1K janë duke kryer trajnim me sistemet e reja të armatimit me të cilat është pajisur FSK së fundi, me fokus operacionet e mbrojtjes dhe sulmit në nivel Skuadre, Togu dhe Kompanie”, ka shkruar ai.
Sipas tij, trajnimet e vazhdueshme të FSK-së janë tregues të gatishmërisë për pjesëmarrje në çdo mision të NATO-s.
“Trajnimet e vazhdueshme, bashkëpunimi dhe vullneti i ushtrisë së Republikës së Kosovës, janë tregues të gatishmërisë për pjesëmarrje në çdo mision të NATO-s”, tha Mehaj. /teve1.info
