Mehaj thotë se kongresmeni Torres është mik i madh i vendit dhe popullit të Kosovës, shkruan teve1.info
“Sikur edhe në takimet e mia të mëhershme me Kongresmenin Torres, edhe këtë radhë e njoftova me situatën aktuale të sigurisë në vend pas krizës në Ukrainë, dhe ndikimit destabilizues rus përmes qasjes destruktive të Serbisë kundër Kosovës dhe në përgjithësi kundër paqes, sigurisë dhe stabilitetit të rajonit tonë. Senatorin e njoftova edhe me të arriturat tona të përgjithshme, proceset aktuale zhvillimore si dhe synimet tona për të ardhmen, duke i rikujtuar kërkesën tonë për vendosjen e një baze të përhershme ushtarake amerikane në Kosovë që do të shërbente si garancë për sigurinë, paqen dhe stabilitetin e përgjithshëm të rajonit”, ka shkruar ai në Facebook.
Ministri Mehaj ka theksuar se vizioni shtetëror i Kosovës është anëtarësimi në NATO, në aleancë të përhershme me SHBA-në dhe gjithmonë në mbrojtje të vlerave të lirisë, paqes dhe demokracisë. /Teve1.info/
