Në një postim në Facebook, Mehaj është shprehur se eksperienca e Agim Çekut, Sylejman Selimit dhe Kadri Kastratin, është shumë e rëndësishme për proceset aktuale të Ministrisë së Mbrojtjes dhe FSK-së.
“Eksperienca e lidershipit madhor ministror dhe ushtarak është shumë e rëndësishme në proceset tona aktuale zhvillimore. Sot, pata kënaqësinë të pres në zyren time, ish-komandantët e FSK-së, gjeneralët madhor të FSK-së në pension, Agim Çekun, Sylejman Selimin dhe Kadri Kastratin. Me këtë rast u shpreha mirënjohjen dhe vlerësimin më të lartë për kontributin e tyre në UÇK, TMK, FSK dhe Ministrinë e Mbrojtjes, duke theksuar se eksperienca e tyre është shumë e rëndësishme edhe për proceset aktuale zhvillimore të Ministrisë së Mbrojtjes dhe FSK-së”, ka shkruar Mehaj.
Ai ka shtuar se të gjithë ishin të një qëndrimi të takime të ngjashme janë të nevojshme të realizohen edhe në të ardhmen. /Teve1.info/
