Në një postim në Facebook nga Ambasada e Shqipërisë në Kosovë bëhet e ditur se temë diskutimi gjatë këtij takimi ka qenë për situatën e sigurisë në Kosovë pas zhvillimeve të fundit në Ukrainë.
“Ambasadori i Republikës së Shqipërisë në Kosovë Qemal Minxhozi, shoqëruar nga Atasheu Ushtarak Kolonel Altin Kurti, u pritën në takim nga Ministri i Mbrojtjes, z.Armend Mehaj, gjatë së cilit u diskutua për situatën e sigurisë në Kosovë pas zhvillimeve më të fundit në Ukrainë dhe reflektimet në rajonin tonë. Ministri Mehaj shprehu falenderimet lidhur me vendimin e autoriteteve të Shqipërisë për shtimin e trupave të FARSH në KFOR”, thuhet në njoftim. /Teve1.info/
