Mehaj përmes një postimi në Facebook ka njoftuar se në takim kanë biseduar për themelimin e partneritetit, për fushën e sigurisë dhe mbrojtjes mes dy vendeve.
“Me Ambasadoren Benedejcic diskutuam për thellimin e partneritetit, përveç tjerash, edhe në fushën e sigurisë dhe mbrojtjes, në mes dy vendeve tona. Përvoja e Sllovenisë për proceset integruese në iniciativat dhe organizatat ndërkombëtare të sigurisë, si dhe në NATO, është shumë e rëndësishme për ne, andaj edhe kërkova mbështetjen e qeverisë sllovene”, ka shkruar Mehaj.
Tutje Mehaj shtoi se me ambasadoren e Sllovenisë në Kosovë, janë pajtuar se bashkëpunimi mes dy vende është me rëndësi të madhe për sigurinë, stabilitetin dhe prosperitetin e përgjithshëm rajonal e më gjerë.
