Ministri Mehaj ka thënë se me ambasadorin britanik ka diskutuar edhe për stadin e realizimit të projekteve të përbashkëta në kuadër të planit të bashkëpunimit bilateral në fushën e mbrojtjes dhe sigurisë.
“Sot prita në takim, mikun dhe ambasadorin e Mbretërisë së Bashkuar, Nicholas Abbott, me të cilin diskutuam për zhvillimet gjeopolitike pas agresionit ushtarak të Rusisë në Ukrainë dhe ndikimit të tij në aspektin e sigurisë dhe stabilitetit në rajon. Gjithashtu diskutuam për stadin e realizimit të projekteve të përbashkëta në kuadër të planit të bashkëpunimit bilateral në fushën e mbrojtjes dhe sigurisë. Me Ambasadorin Abbott u pajtuam për intensifikimin e angazhimit tonë në të ardhmen në funksion të paqes, stabilitetit dhe sigurisë rajonale dhe më gjerë”,ka shkruar Mehaj në “Facebook”. /teve1.info/
