Mesfushori Medon Berisha është i kënaqur me rolin dhe minutat që i ka këtë sezon te skuadra e Lecces, e cila bën gara në Serie A.
Berisha vikendin e shkuar u aktivizua për 80-të minuta tek Lecce që u mposht 2:1 nga Lazio, ndërsa paraqitja e tij është vlerësuar lart.
Në fakt, kjo ishte ndeshja e tretë rresht e Berishës që luajti në Serie A në Italisë, ku në total ka regjistuar 6 paraqitje në kampionat dhe ka 1 asistim.
“Unë jam mirë, kam marrë minuta dhe po përmirësohem. Kështu që, e kam parasysh se duhet të rritem dhe të marrë më shumë përvojë”, tha ndër të tjera Berisha.
21-vjeçari këtë vit ka debutuar edhe me Kombëtaren A të Shqipërisë, ku ka regjistruar 3 paraqitje, ndërsa në ekipin e parë të Lecces është promovuar në vitin 2022.
Berisha ka kontratë me skuadrën italiane deri në verën e vitit 2028.
