Edon Zhegrova ka lënë mbresa të jashtëzakonshme në debutimin e tij tek Juventus. Ylli dardan luajti disa minuta në ndeshjen ndaj Borussia Dortmund, duke qenë vendimtar në barazimin e rezultatit.
Si tifozët, ashtu edhe komuniteti i futbollit në Itali, kanë mbetur të mahnitur me paraqitjet e tij.
Në mesin e tyre është edhe gazetarja e ‘TuttoMercatoWeb’, Yvonne Alesandro, e cila për ‘GazetaBlic Sport’, tha se në bazë të asaj se çfarë tregoi Zhegrova, i mbetet vetëm për të rikthyer formën fizike, sepse me kualitetet që ka, ai do të ketë ndikim të madh në Serie A.
“Nëse do të jetë në gjendje të rikthejë formën maksimale fizike, Edon Zhegrova mund të ketë një ndikim të madh tek Juventus në Serie A. Teknikisht është në nivelin e lartë”, tha ajo për ‘GazetaBlic Sport’.
Gjatë ditë së djeshme kishte edhe reagime të tjera, të cilët janë motiv shtesë për Zhegrovën, i cili është mirëpritur shumë mirë tek ‘Zonja e Vjetër’.
