Ekipi përfaqësues i Kosovës për garën ndërkombëtare të robotikës “FIRST Global Challenge 2023” ka nisur suksesshëm rrugëtimin e tyre në Singapor.
Ekipi i Kosovës, në ceremoninë hapëse të këtij edicioni, u shfaqën me veshje kombëtare, duke prezantuar para gjithë botës kulturën, traditën dhe prejardhjen prej nga vijnë.
Kosova falë UBT-së, këtë vit është duke u përfaqësuar në mesin e 200 vendeve të botës. Ekipi i përbërë nga të rinjtë të pasionuar për shkencë, teknologji, inxhinieri dhe matematikë, po sfidojnë njohuritë e tyre në fushën e robotikës.
Sfida e këtij viti përqendrohet në krijimin e energjisë së ripërtëritshme prej hidrogjenit. Ekipet konkurruese nga vende të ndryshme sipas kreativitetit të tyre kanë dizajnuar robotin që iu përshtatet nevojës së garës.
Artikull i sponsorizuar
