Tryeza shkencore kushtuar personalitetit të shquar shqiptar, Ali ef.Jakupi i bëri bashkë të martën.
Në Fakultetin e Studimeve Islame në Prishtinë, u mblodhën personalitete të ndryshme me qëllim ndriçimin e jetës dhe veprës së këtij autori i cili la gjurmë në historinë fetare dhe kulturore shqiptare.
Këtë tryezë e hapi Myftiu Naim Tërnava, e cili e vlerësoi personalitetin e Jakupit si një dijetar të madh i cili ishte çmuar nga e gjithë bota.
“Por çuditërisht i harruar ndër shqiptarët. Siç po shihet në mesin e shumë dijetarëve shqiptarë që kanë kontribuuar në botën islame dhe janë anashkaluar dhe harruar nga vetë hapësira shqiptare, veçohet edhe figura e hoxhë Ali Jakupit nga Gjilani. Edhe pse kishte përgatitje të nivelit të lartë, përkushtim të sinqerë ndaj dijes dhe kombit, ai mbeti jashtë rrëfimeve tona institucionale, jashtë teksteve tona dhe jashtë vtëdijes sonë kolektive”, ka thënë Tërnava.
Kurse atasheu për çështje fetare në Ambasadën Turke në Kosovë, kujtoi punën e jashtëzakonshme të Jakupit si profesor i gjuhës arabe.
“Dhe për këtë arsye duke nisur nga kryetari i dijanetit dhe shumë profesorëve tjerë të Fakulteteve të Ilahjatit teologjike janë nga studentët e Ali Jakupit”, tha Bajrak.
Fjalë për të pati edhe ish-minisitri i Jashtëm, Enver Hoxhaj i cili dha shembuj kur diplomacia e huaj mburrej me veprën e tij.
“Ne kemi nevojë që Ali Jakupin ta shohim si një model frymëzimi dhe inspirimi meqë unë e shoh atë si një diplomat dhe kështu e kanë cilësuar edhe të tjerët si një ambasador në një kohë kur Kosova s’ka pasë as politikë të jashtme as diplomaci”, është shprehur Hoxhaj.
Drejtori për Kulturë dhe Veprimtari Botuese në BIK, tha se kjo tryezë vie si përpjekje për vlerësimin e kontributin e dijetarëve në kohë të vështira.
“Një figurë që përfaqëson ndër simbolet më të qarta të përkushtimit ndaj dijes, fesë dhe kombit. Për fat të keq, për dekada me radhë ai mbeti i heshtur në atdhe ndërsa u nderua dhe respektua në mërgim”, ka thënë Shkodra.
Në pjesën e dytë të kësaj tryeze, disa studiues përmes kumtesave të tyre prezantuan jetën dhe kontributin e tij.
