Më shumë se 10,000 ushtarë izraelitë janë vrarë ose plagosur që nga fillimi i luftës së Izraelit në Rripin e Gazës, tha të martën një oficer i lartë ushtarak, sipas të përditshmes izraelite Yedioth Ahronoth.
“Kemi një mungesë prej më shumë se 10,000 ushtarësh të vrarë ose të plagosur dhe disa mijëra që hyjnë vazhdimisht në ciklin e çrregullimit të stresit post-traumatik”, u citua të ketë thënë oficeri i paidentifikuar. Oficeri nuk dha detaje specifike ose një ndarje të shifrës, ka raportuar Anadoly.
Sipas shifrave zyrtare nga ushtria izraelite, të paktën 861 ushtarë janë vrarë dhe 5,921 të tjerë janë plagosur në luftën në Gaza që nga tetori i vitit 2023.
Duke refuzuar thirrjet ndërkombëtare për armëpushim, Izraeli ka ndërmarrë një ofensivë shkatërruese në Gaza që nga tetori i vitit 2023, duke vrarë gati 54,500 palestinezë, shumica prej tyre gra dhe fëmijë.
