Ish-gjyqtari i futbolit Jakup Musolli ka bërë akuza të rënda ndaj drejtuesve të Lidhjes Rajonale të futbollit, të Prishtinës për ndikime politike.
Në emisionin qendror të sportit në Tëvë 1, “VAR”, ai ka përmendur disa raste kur drejtuesit e Lidhjes i kanë thënë atij edhe t’i mbyll sytë sepse “ai është njeri ynë, njeri i LDK-së”.
Musolli ka përmendur arsyet që e quan në përjashtimin e tij si gjyqtar i futbollit dhe nga Lidhja Rajonale e Prishtinës, madje duke i përmendur me emra të gjithë ata që sipas tij ishin fajtor për përjashtimin e tij.
“Unë jam i përjashtuar nga lidhja rajonale e Prishtinës. Shumica më njihni, unë për 21 vjet kam qenë gjyqtar dhe fatmirësisht asnjë ankesë nuk është bërë në emrin tem. Jam munduar me qenë sa më korrekt. Jam njohës shumë i mirë i rregullave të futbollit”, ka thënë Musolli, duke përmendur një nga një arsyet.
“Arsyeja numër një pse unë jam i përjashtuar janë bindjet e tyre politike. Një anëtar i rajonit të Prishtinës, më thirr në telefon, sepse kush më njeh, unë jam njeri i drejpërdrejt, unë jam përkrahës i Albin Kurtit. Por vlen të përmendet, thotë ‘mos posto material propagandistik’.
I njëjti njeri që më thirr mua, i kam edhe mesazhet, me gjuhën më të ultë më ofenduese i kundërvihet një deputeti të Lëvizjes Vetëvendosje”.
“Arsyeja e dytë, pse unë e kam pas kolegë Xhafer Zeqirin e ndjerë, se unë kam nejt me të edhe ajo e pengon Ismail Ajetin, Bajram Krasniqin, Ergyn Janovaliun, Ardian Llumnicën, Burim Murselin, e shumë të tjerë.”
Musolli përmend rastin, kur sipas tij pati ndërhyrje direkte dhe politike, kur ishte si vëzhgues i një ndeshjeje në Merdar.
“Isha në një ndeshje në Merdar, një shkollë futbolli e Podujevës, kundër një shkolle tjetër, dy gjyqtarë të ri, derisa e plotësova protokollin edhe e fillojmë ndeshjen.
Në momentin e parë që kemi dalë në fushë e kam vërejt që ekipi vendës nuk ka mjek. I kam paralajmëruar për hir të fëmijëve iu lejoj të luani 25 minuta, përndryshe nëse nuk e sjellni mjekun, lojë këtu nuk ka. Më thirr në telefon Bajram Krasniqi prej Prishtinës më thotë duhet me i mshel sytë, ai është njeri jonë, është njeri i LDK-së. Unë në sport nuk njoh LDK, PDK, Vetëvendosje. Unë i njoh vetëm rregulloret”, ka thënë Musolli.
Për më shumë deklarata të këtij rasti dhe të tjera, ndiqni emisionin e plotë të VAR-it, mëposhtë:
