Të veshur me ngjyrat e flamurit, po e presin presidentin e parë të Republikës së Kosovës.
Mes duartrokitjeve e përqafimeve, ish-presidenti i Kosovës Fatmir Sejdiu u prit nga nxënësit e shkollës “Mihal Grameno”.
E së pari atë e drejtuan në sofrën me ushqime tradicionale, e nga këtu presidenti përcolli një mesazh.
Pas kësaj, fjalën e mori edhe drejtori i shkollës, Ismet Gashi, i cili ndau mirënjohje për presidentin e parë të Republikës.
Nga këtu, Gashi përmendi edhe figurat që dhanë kontribut për Pavarësinë.
Pas këtyre fjalëve, filloi edhe programi festiv për 17 Shkurt.
Nxënësit e kësaj shkolle kishin përgatitur këngë e valle për ta shënuar këtë përvjetor.
Këtë manifestim po e shijonin pothuajse të gjithë.
Në fund presidenti ashtu siç u prit, u përshëndet me shumë duartrokitje e përqafime.
