“Besimtari duhet ta ketë traditë punën e mirë, por jo vetëm kaq. Nuk duhet të mjaftohen vetëm me të qenurit e ardhurimit traditë, në këtë rast agjërimi i Ramazanit nuk duhet të mjaftohet me të qenurit traditë, por duhet gjithmonë duhet të shoqërohet edhe me gjëra të tjera të cilat e shoqërojnë agjërimin në mënyrë që të jetë më shumë sesa traditë”.
Kështu porositi hoxha, Usame Morina në emisionin “Fanari”, emision ky kushtuar muajit të Ramazanit në Tëvë1.
Morina ka kujtuar hadithin e Pejgamberit, Muhamed s.a.v.s., i cili ka thënë se ka prej agjëruesve që nuk përfitojnë nga agjërimi i tyre asgjë më shumë sesa etje dhe uri.
“Kjo nënkupton që ka prej njerëzve që nuk janë në rregull me agjërimin, pra e kanë bërë agjërimin traditë, që nënkupton se ndalohen nga ushqimi dhe nga pija, vetëm nga to dhe jo nga veprimet e tjera. Ndërsa, agjërimin duhet me e kuptu ashtu siç e kanë shpjeguar dijetarët e umetit Islam kur kanë thënë se agjërimi në fakt është durim”, u shpreh Morina.
Më tej, imami Usame Morina ka thënë se me çka duhet të shoqërohet agjërimi për të mos u konsideruar vetëm adet (zakon), por ibadet (adhurim).
“Pse Allahu e ka caktuar që agjërimi të ketë shpërblim të pamasë, njëjtë si edhe durimtari? Mu për faktin se në agjërim kemi të bëjmë me tre lloje të durimit që e kanë përhskuar dijetarët se ekzistojnë në përditshmërinë njerëzore. Kemi të bjëm me durim nga të ushqyerit dhe nga pija. Kemi të bëjmë me durim në shfrytëzim të epshit edhe atëherë kur është hallall, durim ndaj bërjes së mëkateve. Pastaj kemi të bëjmë me durimin që duhet me e pas besimtari në përkushim ndaj adhurimeve të Allahut. Prandaj agjërimi që të mos jetë vetëm traditë duhet të kompletohet me të tri llojet e durimit. Pra duhet të shoqërohet me vepra të mira, me namaz, me adhurime të tjera, largim nga fjalët e kota, largim nga veprimet e shmëtuara në mënyrë që të ruhet kjo vepër dhe të shpërblehet besimtari tek Allahu”, sqaroi Morina.
Ai gjithashtu tha se “nëse agjërimi bëhet zakon në kuptimin e asaj që po agjërojnë të afërmit, prandaj po agjërojmë edhe ne. Dhe kjo gjë manifestohet te moshat e reja, apo edhe te njerëzit që kanë mungesë të besimit por edhe të njohuri të përgjithshme fetare. Pra ju mungon aspekti i nijetit, i qëllimit”.
Më tej, ai thesoi se besimtari duhet ta ketë parasysh se në Islam çdo vepër e mirë shpërblehet vetëm nëse ekziston paraprakisht nijeti, qëllimi i pastër. Prandaj, Morina tha se qëllimi final i agjërimit duhet të jetë shpërblimi i Allahut. /Teve1.info/
