Edhe pse mjekët kanë theksuar vazhdimisht se uji gjatë dushit nuk duhet të kalojë 40 gradë, disa njerëz e injorojnë atë, duke vënë në rrezik shëndetin e tyre.
Një dush i nxehtë është kënaqësia më e madhe dhe më e thjeshtë pas një dite të gjatë në punë, stërvitje, universitet, megjithatë, siç thonë mjekët, një gjë e tillë është katastrofike.
Profesionistët mjekësorë rekomandojnë një temperaturë maksimale prej 40 gradësh në vaskë, por disa njerëz kanë pranuar se e kanë tepruar, duke rrezikuar probleme të pakëndshme shëndetësore në të ardhmen.
Sipas Dr Deborah Lee, një farmaciste në Glasgow , uji që është shumë i nxehtë mund të dëmtojë lëkurën dhe të rrisë presionin e gjakut.
“Edhe pse temperaturat mbi 40°C nuk kanë gjasa të djegin lëkurën, mund të ketë pasoja të rënda shëndetësore. Larja dhe dushi në ujë shumë të nxehtë e zhvesh lëkurën nga vajrat e saj natyralë, duke e lënë atë të thatë, të kuqe dhe të brishtë. Ndonjëherë lëkura reagon tepër ndaj ujit të nxehtë dhe prodhon shumë vaj për të kompensuar thatësinë. Pra, nëse keni lëkurë të yndyrshme, bërja e banjove dhe dusheve të gjata e të nxehta mund ta përkeqësojë atë. Nxehtësia mund të përshpejtojë plakjen e lëkurës sonë dhe të shkaktojë ndezjen e akneve. Dhe nëse keni ndier ndonjëherë marramendje pasi keni dalë nga banja, kjo mund të jetë për shkak të një rënie të papritur të presionit të gjakut”, tha ajo.
Përveç faktit që temperatura duhet të jetë diku nën 40C, kohëzgjatja ideale e banjës për të shmangur tharjen e lëkurës tonë është nga 10 deri në 20 minuta.
Së fundi, kremrat hidratues në lëkurën e lagur mund të ndihmojnë në parandalimin e tharjes pas larjes.
