Komisioni Qendror i Zgjedhjeve në mbledhjen e sotme prezantoi raportin e peticioneve të pranuara nga kryesuesit e Kuvendeve Komunale Leposaviq, Zubin Potok, Zveçan dhe Mitrovicë e Veriut.
Në këtë mbledhje me 8 vota për asnjë kundër dhe 2 abstenime u votua 21 prilli si datë për mbajtjen e votimit të kryetarëve në komunat veriore të vendit.
Ku fillimisht u prezantua verifikimi i nënshkrimeve për shkarkimin e kryetarëve në katër komunat veriore.
“Nga komuna e Leposaviqit sipas shkresës njoftuese të pranuar nga kryesuesi i kuvendit komunal lista përmban 3 mijë e 30 nënshkrime të plotësuara në 204 faqe të peticionit.
Pas krahasimit me të dhënat e listës së votuesve që është ekstrakt i regjistrit qendror civil të bazuar në numrin personal, rezulton se 2 mijë e 95 nënshkrues të peticionit janë qytetarë të Kosovës me të drejtë vote në Komunën e Leposaviqit. Pra numri i votuesve për komunën e Leposaviqit është 13 mijë e 441 votues, ku 20 për qind për këtë komunë i bie të jenë 2 mijë e 689 votues. Andaj këto nënshkrime përbëjnë 20 për qind të votuesve për këtë komunë.
Raporti i verifkimit të peticionit nga Komuna e Zubin Potokut.
Lista përmbanë 1 mijë e 576 nënshkrime të plotësuara në 158 faqe. Pas krahasimit me të dhënat e listës së votuesve që është ekstrakt i regjistrit civil rezulton se 1 mijë e 380 nënshkues të peticionit janë qytetarë të Kosovës me të drejtë vote në këtë komunë. Numri i votuesve për komunën e Zubin Potokut është 6 mijë e 732 votues, ku 20 për qind e votuesve për komunë i bie të jenë 1 mijë e 347 votues. Andaj këto nënshkrime përbëjnë 20 për qind të votuesve të kërkuar për peticion.
Verifikimi i peticionit nga Komuna e Zveçanit.
Lista përmbanë 1mijë 834 nënshkrime të plotësuara në 185 faqe. Pas krahasimit me të dhënat e listës së votuesve që është ekstrakt i regjistrit civil në të rezulton se 1mijë e 714 nënshkues të peticionit janë qytetarë të Kosovës me të drejtë vote në komunën e Zveçanit. Numri i votuesve në këtë komunë është 7 mijë e 52 votues, ku 20 për qind e votuesve për komunë i bie të jenë 1 mijë e 411 votues.
Dhe e fundit nga Komuna e Mitrovicës së Veriut
Lista përmbanë 4 mijë e 148 nënshkrime të plotësuara në 423 faqe. Pas krahasimit me të dhënat e listës së votuesve të bazuar në numër personal rezulton se 3 mijë e 653 nënshkrues të peticionit janë qytetarë të Kosovës me të drejtë vote në Mitrovicën e Veriut. Numri i votuesve në këtë komunë është 18 mijë e 199 votues, ku 20 për qind e votuesve për komunë i bie të jenë 3 mijë e 640. Andaj këto nënshkrime përbëjnë 20 për qind të votuesve. Pra ky ishte raporti për verifikimin e nënshkrimeve nga peticioni për largimin e kryetarit sipas kërkesave të kryesuesve të komunave të lartë cekura”, tha Kryeshefi i Sekretariatit të KQZ-së, Burim Ahmetaj. /teve1.info./