Konferenca do zhvillohet më 18 janar në ora 09:30, raporton teve1.info.
Në njoftim thuhet se ndër të tjera paneli gjatë seancës do të kërkojë sqarime nga palët lidhur me procedurën nëse Zyra e Prokurorit të Specializuar ka përfunduar me nxjerrjen e provave dhe listën e dëshmitarëve të cilët do t’i paraqesë në gjyq.
Po ashtu në njoftim thuhet se do të diskutohet edhe për pretendimin e përgjegjësisë komanduese, për domosdoshmërinë e provave për pretendimet lidhur me krimet serbe të kryera gjatë asaj kohe e të tjera çështje.
Me këtë rast paneli do të kërkojë sqarime nga avokati i Hashim Thaçit lidhur me ekzistencën e pretenduar të “Operacioni Patkoi” dhe nga avokati i Kadri Veselit lidhur me komentet e bëra gjatë Konferencës së Statusit më 8 shtator 2022 në lidhje me kohën e marrjes në pyetje të dëshmitarëve të Rregullës 153 dhe Rregullës 154.
Kujtojmë se Thaçi, Veseli, Krasniqi e Selimi akuzohen për krime lufte dhe krime kundër njerëzimit.
