Inspektorati Sanitar i Ministrisë së Shëndetësisë ka vendosur të mbyllë përkohësisht pishinën e Gërmisë në Prishtinë, pasi mostrat e ujit të marra nga Instituti Kombëtar i Shëndetësisë Publike (IKSHPK) kanë treguar se ai nuk i plotëson standardet e kërkuara.
Kjo pishinë ishte mbyllur më 14 korrik për katër ditë, për inspektim të pompave të filtrimit dhe kryerjen e analizave të ujit.
IKSHPK ka njoftuar se më 23 korrik ka marrë mostra të reja nga uji i pishinës dhe se rezultatet e analizave pritet të publikohen më 25 korrik.
