Ka përfunduar pjesa e parë e ndeshjes së kthimit mes ekipit Lincoln Red Imps dhe Ballkanit.
Pas 45 minutave, rezultati është 0:0 në “Victoria Stadium” në ndeshjen që i takon raundit të tretë kualifikues të Ligës së Konferencës.
Gjatë pjesës së parë, të dyja skuadrat ishin të fokusuara në mbajtjen e topit në mesfushë dhe mos të bënin gabime për të pësuar ndonjë gol të shpejt.
Lincolni kërcënoi në minutën e 17-të me anë të mesfushorit Yahaya, i cili gjuajti nga distanca por portieri i Ballkanit, Ener Koliçi nuk u befasua.
Rastin më të mirë në pjesën e parë, e lëshoi sulmuesi i Ballkanit, Albin Berisha.
Ai në minutën e 29-të, doli i vetëm përball portierit por nuk arriti ta mposht.
Ndërkohë, në minutën e 38-të, Meriton Korenica tentoi nga distanca por topi shkoi jashtë.
Edhe Almir Kryeziu ka mundur ta zhbllokoj rezultatin ne minutën e 42-të, por një mbrojtës kundërshtar e largoi topin që po shkonte në portë.
Në minutën e dytë të kohës shtesë, portieri vendas priti gjuajtjen e Kryeziut.
Pas tij, edhe Korenica tentoi me kokë por qëlloi portierin.
