Autoritetet kanë mbyllur një objekt në Obiliq, pasi dyshohet se aty janë ofruar shërbime mjekësore pa licencë valide nga Ministria e Shëndetësisë.
Sipas Policisë së Kosovës, pas verifikimeve në terren, Inspektorati Farmaceutik dhe Shëndetësor, në koordinim me institucionet përkatëse, ka vendosur vulën zyrtare për ndërprerjen e aktivitetit të objektit.
Lidhur me rastin janë intervistuar një burrë dhe një grua në cilësinë e të dyshuarve. Me urdhër të prokurorit, ndaj tyre është iniciuar procedura përkatëse, ndërsa janë liruar për t’u mbrojtur në procedurë të rregullt.
Policia ka bërë të ditur se gjatë kontrollit në një hapësirë tjetër të objektit janë gjetur edhe pjesë të vjetra të uniformës së Policisë së Kosovës.
