Me pankarta në duar këta fëmijë të shoqëruar nga prindërit e tyre u mblodhën para kësaj salle sportive, e cila u mbyll të enjten nga institucionet e Kosovës, me arsyetimin se ky objekt operonte ilegalisht.
Në pankartat e fëmijëve shkruhej “institucionet paralele kanë mbyllur sallën e sportit”.
Protesta e nisur në ora 09:00 përfundoi në 09:30.
Kjo qendër i është rikthyer administrimit të komunës së Mitrovicës së Veriut.
Për mbylljen e Qendrës Sportive në Mitrovicë të veriut, reagoi edhe ministri në detyrë i Ministrisë së Administrimit të Pushtetit Lokal, Elbert Krasniqi.
Ai shkroi se nga hetimet e para rezulton se qendra ka qenë e menaxhuar nga Millan Radojiçiq, përgjegjësi i sulmit terrorist në Banjskë të Zveçanit.
“Qendra e Sporteve në Mitrovicë të veriut ju kthye institucioneve legale të Republikës së Kosovës, përkatësisht Komunës së Mitrovicës së veriut. Nga kontrollet e bëra prej autoriteteve të sigurisë shihet qartazi që këto qendra përveç që më së paku kanë qenë sportive, kanë qenë të sponsorizuar nga krimi dhe veçanërisht bizneset e kryekriminelit Millan Radojçiq. I njëjti jo vetëm që është në Listë të Zezë të Thesarit Amerikan, por është edhe autor i sulmit terrorist në Banjskë”, ka thwnw Krasniqi.
Policia e Kosovës nisi aksion tjetër veri për mbylljen e objekteve ilegale.
Paraprakisht, u larguan punonjësit, pastaj flamuri i Serbisë dhe pllakat në të cilën shkruhej me çirilicë institucioni që shërbente si drejtori për punësim .
Në vazhdën e aksioneve të Policisë së Kosovës në pjesën veriore për të mbyllur strukturat paralele serbe edhe sot pra Policia e Kosovës inspektorët e komunës së Mitrovicës së veriut të cilët kanë marrë nën kontroll objektin i cili i takon komunës së Mitrovicës së veriut, në të cilën është shërbyer si drejtori për punësim në pjesën veriore sipas strukturave paralele serbe
Zëvendësdrejtori i Policisë për rajonin e veriut, Veton Elshani thotë për Tëvë1 se janë duke kryer detyrat që po i kërkohen sipas ligjit nga komuna e Mitrovicës së Veriut.
“Ne jemi këtu për t’i ofruar asistencë institucioneve ka më shumë kërkesa nga institucionet e tjera për këtë arsyeje e shohim një aktivitet më të shtuar kundrejt inspektorëve komunal. Ne sot e kishim edhe një protestë përballë sallës së sporteve në Mitrovicë veri, nga ora 09-09:30”, ka thwnw Elshani.
Tash e disa ditë, policia e Kosovës ka asistuar zyrtarët e inspektoratit komunal të Mitrovicës së veriut duke marrë nën kontroll objektet që i takojnë komunës e që kanë vepruar ilegalisht në kuadër të strukturave paralele serbe.
