Bëhet e ditur se qarkullimi i rrugëve do të jetë i mbyllur për shkak të asfaltimit të kësaj pjese.
“Ju njoftojmë se, më datë 20 dhe 21 maj, segmenti i rrugës “Muharrem Fejza” duke përfshirë edhe të gjitha rrugët lidhëse prej rrethrrotullimit të rrugës “B” në drejtim të lagjes Mati përkatësisht deri te rruga “Ibrahim Oruçi” (rrugë lidhëse me rrugën “Muharrem Fejza”) do të mbyllen për qarkullim, për shkak të punimeve që do të ndodhin në këtë rrugë me ç‘rast do të bëhet përgatitja dhe asfaltimi i shtresës finale”, thuhet në njoftim.
Qarkullimi në këto rrugë do të jetë i mbyllur ditën e premte nga ora 06:00 deri në 18:00, kurse të shtunen nga ora 08:00 deri në ora 18:00.
“Komuna e Prishtinës kërkon nga banorët e lagjes që automjetet mos t’i parkojnë në parkingun paralel me shiritat qarkullues të rrugës dhe as në trotuare për arsye se pengojnë realizimin e punimeve dhe automjetet mund të dëmtohen gjatë spërkatjes me emulsion”, thuhet tutje në njoftim./teve1.info./
