Agjencia e Ushqimit dhe Veterinarisë ka njoftuar se ka mbyllur dy strehimore të qenve në Komunën e Ferizajit.
Siç thuhet në njoftim, inspektorati veterinar ka konstatuar se aty qentë të cilët janë marrë në adoptim nga Komuna e Prishtinës, janë në kushte jo të mira dhe në kundërshtim me legjislacionin në fuqi.
“Përgjegjësit e strehimores nuk përkujdesen për sa i përket shëndetit dhe mirëqenies se qeneve. Një numër i kafshëve të strehuar kishin ngordhur”, thuhet në njoftim.
Më tej, bëhet e ditur se ndaj personave përgjegjës janë ndërmarrë vendimet për mbyllje të strehimoreve dhe kthimin e qenve në strehimore të licencuar të Komunës së Prishtinës.
“Pas përfundimit dhe kompletimit të lendeve, rastet do të procedohen në gjykatë. Ndaj secili veprim jo human ndaj kafshëve AUV do të ndërmerr të gjitha veprimet ligjore për parandalim të keqtrajtimit, ndaj personave përgjigjes do të iniciohen procedura ndëshkimore. Të drejtat e kafshëve janë të garantuara me ligj”, theksohet në njoftim.
