Policia e Kosovës ka asistuar në Mitrovicë të Veriut zyrtarët komunal gjatë ditës, përderisa edhe në komunën e Gracanicës pati dy arrestime të dy zyrtarëve komunal.
Policia e Kosovës në asistim të komunës së Mitrovicës së Veriut, ka mbyllur dy drejtori të strukturave paralel
Këtë objekt e përdorën tash e shumë kohë.
E gjithë hapësira sipas Policisë i takon Komunës.
E zëvendësdrejtori i Policisë për Rajonin e Veriut Veton Elshani, tha se brenda objektit janë sekuestruar dokumente ndërkaq nuk ka të arrestuar.
Nga Prokuroria Themelore në veri kanë thënë se është hapur rast për falsifikim të dokumenteve.
Për aksionin e sotëm ka reaguar ministri i Punëve të Brendshme Xhelal Svecla.
Në pamjet e publikuara shihet se brenda zyrave ishte e vendosur një fotografi e presidentit të Rusisë Vladimir Putin.
Sveçla ka shtuar se strukturat paralele serbe kanë marrë pagesa nga qytetarë dhe biznese për shfrytëzim të hapësirave publike.
Aksion gjatë ditës pati edhe në komunën e Graçanicës, në Drejtorinë Kadastrale ku dy zyrtarë komunal janë arrestuar nën dyshimet për keqpërdorim të detyrës zyrtare.
Edhe më herët Policia e Kosovës kishte kryer aksion në Veri për mbylljen e strukturave paralele serbe.
