E pamundësimin e njoftimit të alibisë, mbrojtja e ish presidentit, Hashim Thaçi, ia atribuon shkallës së redaktimeve të dokumenteve të ZPS-së.
“Aftësia e mbrojtjes për të dhënë një njoftim të plotë të alibisë është aktualisht e penguar nga ndryshimet thelbësore në aktakuzën e ZPS-së, në dosjen e procedurës paraprake dhe në provat materiale. Mbrojtja nuk mund të sigurojë një alibi ku data dhe/ose vendndodhja e një pretendimi është redaktuar. Ky është veçanërisht rasti kur pohimet e redaktuara lidhen drejtpërdrejt me veprimet dhe sjelljen e të Akuzuarit”, ka thwnw mbrojtja e Thaçit.
Edhe mbrojtja e Rexhep Selimit është shprehur se nuk ka ndërmend të ofrojë alibi me dosjet që aktualisht kanë në duar.
“Redaktimet e gjera dhe të komplikuara të Aktakuzës së Ndryshuar, Dosjen Paraprake të ZPS-së dhe provat themelore kanë rezultuar në një situatë ku të dhënat e rastit të SPO-së, dhe në disa raste të tëra (tjera) akuzat, janë të panjohura për Mbrojtjen dhe do të mbeten të tilla deri të paktën 30 ditë para gjykimit, ose 30 ditë para se dëshmitari në fjalë të dëshmojë”, ka thwnw mbrojtja e Selimit.
Mos njoftimet e alibisë në këtë fazë të procedurës i ka arsyetuar edhe avokati, Skender Musa.
Përpara gjykatësit të procedurës paraprake, katërshja e UÇK-së, Thaçi, Veseli, Krasniqi e Selimi, do të dalin të premten, në një konferencë tjetër statusore.
Kronika e gazetares Florijeta Dernjani.
