Mbrojtësi i krahut, Arbër Shala nuk është më pjesë e Dukagjinit të Klinës.
Ekipi nga Superliga e Kosovës, të enjten ka konfirmuar ndërprerjen e bashkëpunimit me Shalën me marrëveshje të dyanshme.
Po ashtu, Dukagjini ka falënderuar Shalën për kontributin e madh dhe i ka dëshiruar suksese në karrierë.
Në fakt, Shala ishte pjesë e Dukagjinit prej verës së vitit 2021 dhe për katër sezone e gjysmë barti fanellën e ekipit nga Klina.
Këtë sezon, Shala ka regjistruar 10 paraqitje në Superligë kurse gjatë karrierës ka luajtur edhe për Ballkanin, Renovën, Lirinë, Dritën, Kamzën, Laçin, Gjilanin e Hajvalinë.
Pjesën vjeshtore të këtij sezoni, Dukagjini e ka mbyllur në pozitën e shtatë në tabelë me 21 pikë të mbledhura pas 18 ndeshjeve të zhvilluara, ku ka regjistruar 6 fitore, 3 barazime dhe 9 humbje.
