Mbledhja e nënshkrime për peticionin që i hap rrugë shkarkimit të kryetarit në Mitrovicë të Veriut, Erden Atiq, do të bëhet përmes sallave të sportit.
Kjo është bërë me kërkesë të grupit iniciues serb, njofton për Tëvë1 kryesuesi i Kuvendit Komunal në Mitrovicë të Veriut, Nexhat Uglanin.
Uglanin ka bërë të ditur se pas konsultimit me këshilltarë kanë vendosur që ta miratojnë kërkesën e grupit iniciues.
“Pas konsultimit me këshilltarët dhe shqyrtimin e kërkesës së Grupit iniciativë për të mbledhur nënshkrime për heqjen e kryetarit të bashkisë së Komunës së Mitrovicës së Veriut, Asambleja Komunale, në përputhje me udhëzimet administrative, autorizoi këtë grup të përdorë objektin që ata përmendën në Kërkesë – Salla e Sportit, për të mbledhur nënshkrime për shkarkimin e kryetarit të komunës”, deklaroi Uglanin.
Ndërkohë, grupi nismëtar ka afat prej 30 ditësh që të mbledhë nënshkrimet fizikisht. Afati mund të shtyhet vetëm një herë për 15 ditë.
Më pas nënshkrimet dorëzohen te kryesuesi i kuvendit komunal dhe KQZ-ja. Pas kësaj, institucioni i zgjedhjeve verifikon nënshkrimet dhe nëse nuk janë aq sa kërkohen – 20 për qind e votuesve – nismëtarët e kërkesës kanë afat prej 10 ditësh për të përmbushur këtë kuotë./teve1.info/
