Mbi tri orë në mbledhjen e kryesisë- Abdixhiku pranon takimin me Kurtin, nuk flet për kushtet
Një nga një erdhën në mbledhjen e thirrur të Kryesisë.
Aty, anëtarë të Lidhjes Demokratike të Kosovës u mblodhën për të diskutuar rreth rezultatit të zgjedhjeve të 7 qershorit.
Por kjo nuk ishte pika e vetme e rendit të ditës.
Të enjten, kjo parti pranoi edhe një ftesë për takim nga Lëvizja Vetëvendosje.
“LDK-ja po diskuton për dy çështje kryesore, duke analizuar rezultatin e fundit zgjedhor, si dhe kërkesat që lidhen me bashkëpunimin në kuadër të ndërtimit të institucioneve. Nuk ka vend, hapësirë dhe arsye me e mendua opsionin e zgjedhjeve të jashtëzakonshme në vjeshtën e ardhshme”, tha Haziri
Nga disa anëtarë të kësaj partie është kërkuar edhe shkarkimi i kreut, Lumir Abdixhiku.
Por për Ilir Feratin, shkarkimi nuk është praktikë për këtë parti.
“Nuk është praktikë e LDK-së me u shkarkua kryetari i partisë, s’ka qenë kurrë praktikë. S’ka shkarkime, ka iniciativa demokratike të cilat njerëzit kanë drejt me i marrë edhe me vazhdua me i procedua derisa mbërrin me i finalizua, nëse mbërrin”, tha ai.
Pjesë e kësaj mbledhje nuk ishin Gazmend Muhaxheri, Avdullah Hoti dhe Hykmete Bajrami.
E takimi me pjesën tjetër të anëtarësisë zgjati mbi tri orë.
Pas përfundimit, detaje dha Armend Zemaj.
Se çka u diskutua tregoi edhe i pari i LDK-së.
Ai tha se i është përgjigjur pozitivisht takimit sy më sy me kryetarin e Vetëvendosjes, Albin Kurtin.
I pyetur se a do të jap dorëheqje, Abdxhiku u shpreh që jo, gjersa deklaroi se nuk është deponuar asnjë nënshkrim për shkarkimin e tij.
Por nuk tregoi se a do të kërkojnë bashkëpunim edhe për qeveri, apo vetëm për emrin e presidentit.
Pas përfundimit të mbledhjes, në një komunikatë për media, LDK bënë të ditur se Kryesia Qendrore ka shprehur mbështetje për Abdixhikun, pas iniciativave për shkarkimin e tij.
