Klinika e Kirurgjisë Abdominale në QKUK i ka realizuar mbi njëmijë operacione të natyrave të ndryshme për gjashtë muajt e parë të vitit 2023, raporton teve1.info
Sipas Shërbimit Spitalor, Klinik dhe Universitar të Kosovës, gjatë kësaj periudhe po ashtu janë kryer edhe mbi 2 mijë e 500 vizita ambulatore dhe shumë shërbime tjera.
“Në Klinikën e Kirurgjisë Abdominale të Qendrës Klinike Universitare të Kosovës (QKUK), vetëm për 6 mujorin e parë të vitit 2023, janë kryer 1 mijë 184 operacione të natyrave së ndashme kirurgjike.
Po ashtu, mjekët dhe stafi i infermierëve të klinikës kanë kryer rreth 2 mijë e 500 vizita ambulantore, 216 ERCP. 106 Gastroskopi, 99 Kolonoksopi dhe shumë shërbime të tjera të Kirurgjisë Abdominale”, thuhet në njoftimin e SSHKUK-së në Facebook..
